Om festivalen

Markeringa av 100-årsdagen til Rolf Jacobsen i mars 2007 vart starten på det som i dag er Nordisk poesifestival | Rolf Jacobsen-dagene. Etter først å ha vore arrangert annakvart år vart festivalen frå og med 2011 ei årleg hending, framleis lagt til dagane rundt fødselsdagen til Rolf Jacobsen 8. mars. 2011 vart òg året då festivalen for første gong presenterte ein festivalpoet. Med unntak av eit par tematisk organiserte festivalar i 2012 og 2014 har festivalen kvart år invitert ein festivalpoet som blir vigd særleg merksemd.

Festivalen blir arrangert i nært samarbeid med Rolf Jacobsens Venner og Universitetet i Innlandet.